A Xunta véndelle a un prezo especial 466.000 m2 de terreo a Estrella Galicia para a súa futura fábrica de Arteixo
É a maior adxudicación de chan empresarial realizada a favor dunha única empresa do Goberno galego na súa historia.
Por Europa Press / Redacción | SANTIAGO DE COMPOSTELA | 27/06/2019 | Actualizada ás 20:47
A Xunta autorizou este xoves como proxecto empresarial singular para a nova fábrica de Estrella Galicia no parque empresarial de Morás, en Arteixo (A Coruña). Por iso, deu luz verde a unha autorización que permite a adxudicación directa dunha parcela que dispón de 466.000 metros cadrados, a maior adxudicación de chan empresarial realizada a favor dunha única empresa pola Comunidade na súa historia.
O prezo de venda da parcela ascende a máis de 22 millóns de euros máis IVE, tras aplicar a bonificación do 30% que lle corresponde a este parque empresarial. O investimento de Estrela Galicia será duns 144 millóns.
O 22 de maio a empresa Hijos de Rivera presentou ante Xestur Galicia a memoria do seu proxecto empresarial en Mouras, onde instalará unha fábrica de cervexas de última xeración. Elixe esta localización pola súa proximidade ao porto exterior e ás principais vías por estrada, así como ao encoro de Cecebre.
COMPROMISO DA EMPRESA CON GALICIA
Na súa intervención, Feijóo destacou o compromiso desta empresa con Galicia, que se ratifica para as próximas décadas a través desta nova fábrica no polígono de Morás. Ademais, o presidente puxo en valor o parque empresarial de Morás ten xa adxudicada a maior parte do seu chan dispoñible, o 68%. Así, ademais da parcela de Estrela Galicia, case 106.000 metros cadrados foron adxudicados a Aluman e máis de 77.000 metros cadrados a empresas que eran propietarias dos terreos.
