Os vehículos históricos volverán percorrer o Condado e Paradela

O municipio de Ponteareas acollerá este domingo a III edición da concentración de vehículos clásicos e históricos do Condado e de Paradela, na que se exhibirán máis de 70 coches anteriores a 1989.

O evento arrincará ás 09,00 horas na praza Bugallal, onde haberá modelos como Ford Mustang, Jaguar E-Type, ou Seat 600, entre moitos outros, que pasearán por ambas as comarcas para o deleite do público.

Tras percorrer a partir das 10,30 horas Salvaterra, As Neves, Arbo, A Cañiza e Mondariz, realizarase unha parada en Mondariz Balneario para comer e regresar a Ponteareas, sobre as 17,30 horas.

O coche SEAT 600 | Fonte: autofacil