O Atlantic Fest aposta pola música urbana con C. Tangana coma cabeza de cartel
Tamén representará este estilo musical a nova incorporación do vigués Kaixo. Haberá actuacións de renome coma as de Amaia, Fuerza Nueva, Nuria Graham, Carolina Durante ou as recentes incorporacións de Ladilla Rusa ou Tito Ramírez.
Por Galicia Confidencial | Vilagarcía de Arousa | 14/02/2020 | Actualizada ás 20:35
A edición de 2020 do Atlantic Fest celebrarase nos días 24, 25 e 26 de xullo na localidade de Vilagarcía de Arousa. Coa celebración desta quinta edición traen coma artista principal a un referente da música urbana a nivel internacional, o madrileño C. Tangana. O músico vén de sacar a súa última colaboración coa cantante Natti Natasha, 'Viene y va'.
Na edición de 2018 xa estivera Yung Beef, aínda que nesa ocasión o artista granadino non estivo exento de polémica. Desta volta, C. Tangana estará acompañado por outro pioneiro do trap en España, o galego Kaixo, que vén de desligarse do grupo vigués 'Banana Bahía Music'.
Con todo, neste verán tamén tocarán en Vilagarcía outros artistas de gran renome nacional, coma Amaia, Fuerza Nueva, Nuria Graham, Carolina Durante ou as recentes incorporacións de Ladilla Rusa ou Tito Ramírez.
C.Tangana, María José Llergo, Kaixo, Ladilla Rusa y Tito Ramírez se unen a Amaia, Fuerza nueva, Carolina Durante, Javiera Mena, Derby Motoreta's Burrito Kachimba y Núria Graham como artistas confirmados, hasta el momento, para la quinta edición de Atlant… https://t.co/MrlEogJIkn pic.twitter.com/Q0KQ8jCHB2
— Atlantic Fest (@Atlantic_Fest) February 14, 2020
