'Agosto titiritero' na Cidade da Cultura con tres das mellores compañías galegas
Participan Baobab Teatro, Tanxarina Teatro e Os Monicreques de Kukas.
Por E.P. | SANTIAGO DE COMPOSTELA | 01/08/2020 | Actualizada ás 17:50
A Cidade da Cultura de Galicia ofrece este mes ás familias galegas un 'agosto titiritero' con tres das mellores compañías de marionetas galegas: Baobab Teatro, Tanxarina Teatro e Os Monicreques de Kukas, que actuarán no Xardín do Teatro os mércores 5, 12 e 19 de agosto ás 19,00 horas.
A entrada será gratuíta, previa inscrición en www.cidadedacultura.gal, xa que a capacidade estará limitada para cumprir co protocolo de seguridade sanitaria da COVID-19. Así, habilitaranse prazas dobres e cuádruplos para convivientes e será obrigatorio levar máscara sanitaria en todo momento. No caso de choiva, os espectáculos trasladaranse ao piso -1 do Museo Centro Gaiás.
'Agosto Monicrequeiro' botará a andar o 5 de agosto con Boabab Teatro e o seu espectáculo 'Roque, Roquiño descobre ou camiño', que anima aos máis pequenos a profundar na historia do Camiño de Santiago. O seguinte mércores, día 12, será a quenda do espectáculo 'Titiricircus' de Tanxarina Teatro, no que se homenaxea os números de máis éxito dos circos tradicionais xa desaparecidos.
Pechará este ciclo familiar o 19 de agosto 'Os monicreques de Kukas', a compañía profesional de teatro de obxectos máis antiga de Galicia (1979), con 'Xan Perillán e a maleta máxica', espectáculo no que mesturan clown, pantomima, maxia e manipulación de monicreques.
