@mundofodechincho, unha plataforma para denunciar as agresións a Galicia do "españolismo máis rancio"
2.000 persoas seguen a esta conta de Twitter que combate os "menosprezos" á lingua e cultura galegas.
Por Galicia Confidencial | SANTIAGO DE COMPOSTELA | 29/08/2020 | Actualizada ás 10:00
"Cada vez que leo 'A Coruña' me da un escalofrío". ""El idioma de España es el español". "Lo podéis mandar en castellano, que no se entiende". "No, Galicia no es una nación". Frases como esta son as que poboan o perfil dos tuiteiros @munfodechincho. As mostras de rexeitamento á lingua e cultura galegas, con todo, non veñen do usuario, que tan só se dedica a recompilalas baixo o lema "denantes mortos que fodechinchos".
A conta, que este mes de agosto cumplirá un ano na rede, dedícase a recuperar "agresións" á lingua e cultura galegas citando ao autor cunha resposta "ás veces máis retranqueira, ás veces máis directa", en palabras dun dos seus administradores. O obxectivo da plataforma, pois, é denunciar os ataques do "españolismo máis rancio", se ben os donos da conta recoñecen a dificultade de "mudar" este clase de pensamento. "A nosa idea era non entrar ó trapo en caso de recibir resposta", destacan, sen ocultar que "non sempre" o conseguen: "non é fácil calar diante de moitas das barbaridades que escoitamos".
A conta, que recentemente sobrepasou o limiar dos 2.000 seguidores, afirma ter atopado "de todo" en resposta ós seus chíos. "Hai xente que non resposta e te bloquea, que te insulta, que tenta razoar contigo... tamén nos temos atopado xente que nos critica. Téñennos chamado racistas dende a militancia da galeguidade". Os impulsores recoñecen estar "satisfeitos" co proxecto: "moitas veces poñer de xeito tan claro os insultos e o menosprezo fai que a xente se volta máis combativa á hora de defender o noso".
Os #fodechinchos coma @EsteviMora acostuman a ser seres monolingües, mononeuronais e moi monos para pechar nunha gaiola. pic.twitter.com/G3UsYCmxt6
— @mundofodechincho (@Mundofodechin) August 24, 2020
Hoxe o exceso de capturas fixo que o quilo de #fodechinchos baixase moito a súa cotización na rula. Tanto foi así que especímenes miúdos coma @loqhayqaguantar tivemos que darllos ás gaivotas. pic.twitter.com/b1rV2qi8dJ
— @mundofodechincho (@Mundofodechin) August 24, 2020
Ben vedes que #fodechinchos hainos de moitas razas. Neste caso @Vengaviajar, que non entende os "vacablos" portugueses. pic.twitter.com/CcnXnwQH55
— @mundofodechincho (@Mundofodechin) August 24, 2020
