Cinco mortes pola covid en Santiago, Ferrol, Ourense e A Pastoriza

A Consellería de Sanidade notificou este xoves outro cinco falecementos vinculados á covid-19 en Galicia, co que o total de vítimas da pandemia sitúase en 1.485.

En concreto, notificouse o falecemento dunha muller de 84 anos e dun home de 61 no Hospital de Ferrol, dunha muller de 88 anos no Clínico de Santiago e dun home de 86 que se atopaba no Hospital de Ourense.

Ademais, en canto aos centros residenciais de maiores, Sanidade notificou o falecemento dun home de 79 anos usuario da residencia da Pastoriza, en Lugo.

Unha sanitaria prepara probas PCR en Monforte de Lemos (Lugo). CARLOS CASTRO - EUROPA PRESS | Fonte: Europa Press