Buscando a orixe de 2.300 galegos que viven no estranxeiro

A Secretaría Xeral de Emigración facilitou, en colaboración co cinco dioceses galegas, información sobre a súa orixe familiar a 2.300 galegos no exterior.

Así, achegouse información relativa a partidas de nacementos, bautizos, matrimonios e defuncións. A Xunta ten un convenio coas dióceseis para este apoio a emigrantes e os seus descendentes. A maioría das solicitudes dos emigrantes no estranxeiro proceden de Cuba, seguidos de países como Arxentina, Estados Unidos e Brasil.

"É certo que houbo anos de moitas máis solicitudes, pero seguimos tendo, como se desprende da cifra de 2020, unha importante demanda de información sobre as orixes e antepasados dos nosos galegos do exterior", explica o secretario xeral de Emigración, Antonio Rodríguez Miranda.

"Moitos deles queren saber se aínda quedan familiares en Galicia, e en moitos casos, necesitan esa información para poder realizar diversos trámites nos seus países e comunidades autónomas de residencia. Nós, desde a Secretaría Xeral, tramitamos todas as solicitudes que nos chegan a través directamente das nosas oficinas ou a través das nosas redes en liña", apunta.

Exposición 'O soño cubano da emigración galega'.. CONSELLO DA CULTURA GALEGA