Reabre a Casa do Cabildo de Santiago logo de tres semanas de peche pola pandemia

A Casa do Cabildo, situada na compostelá Praza das Pratarías, reabriu de novo as súas portas tras permanecer pechada durante tres semanas debido ás restricións sanitarias provocadas pola pandemia.

Segundo informaron desde o Consorcio de Santiago, o espazo expositivo pode visitarse no seu horario habitual, de martes a sábado de 10,00 a 14,00 e de 16,00 a 20,00 horas, e os domingos de 11,00 a 14,00 horas.

Nestes momentos, a Casa do Cabildo acolle a exposición 'Dobre Quadratura', con instalacións dos artistas galegos Lois Patiño e Jorge Perianes.

Exposición na Casa do Cabildo | Fonte: Consorcio de Santiago - Arquivo.