Navantia e os seus socios tecnolóxicos avanzan no desenvolvemento do estaleiro 4.0

Navantia e os seus socios tecnolóxicos --Aimen, Eletrorayma, Intaf, OMT e Tecoi-- presentaron unha serie de solucións tecnolóxicas centradas na "optimización" dos procesos de fabricación de compenentes de construción naval e de eólica mariña que supoñen avances cara á configuración do chamado 'estaleiro 4.0'.

Trátase do proxecto 'F4ST', que busca "identificar, deseñar, desenvolver e validar" tecnoloxías 4.0 en prototipos co uso de tecnoloxías disruptivas como a robótica, a vision artificial, a dixitalización de procesos dentro da arquitectura dixital ou o desenvolvemento de xemelgos dixitais de planta e proceso, entre outros mecanismos.

Este sistema, segundo explican os seus promotores nun comunicado, traballará no desenvolvemento de prototipos para as "dúas grandes liñas" de fabricación do estaleiro, que representan o 60% da actividade nas instalacións da ría de Ferrol

Por unha banda, está a fabricación de 'sub-bloques' e, por outro, a construción de subestructuras para a industria offshore da eólica mariña. Coa apliación desta tecnoloxía, os estaleiros pretenden optimizar a produción e mellorar a xestión para así lograr "un importante incremento da eficiencia, a produtividade, a sustentabilidade e a calidade dos produtos".

Entre outras cuestións, destacan a redución dos "tempos mortos" na fabricación e as operacións de retraballado "por un maior control nos procesos de fabricación", o que permitirá que os estaleiros de Navantia na ría ferrolá logren "un maior grao de diferenciación" e se consoliden como "referente" na construción de buques militares e estruturas 'offshore'.

Estruturas flotantes nas instalacións de Navantia Fene.. NAVANTIA