Odontólogos esixen un incremento de servizos públicos

Os Colexios profesionais de Odontólogos, Higienistas Dentais e Protésicos de Galicia, representados polos presidentes dos Consellos Autonómicos, presentaron un manifesto conxunto no que esixen a colexiación obrigatoria e "inescusable", á vez que demandan un incremento dos servizos públicos.

Deste xeito, consideran a colexiación "non só como un medio de garantir a regulación das profesións, senón para certificar a calidade dos tratamentos, asegurar a responsabilidade dos profesionais e como medio eficaz para loitar coa secuela que aínda supón o intrusismo profesional".

Este documento demanda ás autoridades sanitarias un aumento no número de prazas e servizos públicos que "garantan unha asistencia sanitaria no ámbito dental, acorde e proporcional á demanda social e ás necesidades dos pacientes". O obxectivo é que "se poida dar resposta a todos aqueles que se atopan en situación de exclusión ou que precisan requirimentos especiais".

De igual maneira declara o seu compromiso coa formación continuada de excelencia para todos os colexiados, á vez que defende o "compromiso cos valores éticos".

Colexios profesionais de Odontólogos, Higienistas Dentais e Protésicos de Galicia. ICOEC A Coruña | Fonte: Europa Press