NÓS-Unidade Popular descarta participar nas eleccións europeas

Critica que Anova e BNG foran incapaces de atinxir acordos mínimos comúns para crear unha "candidatura nacional galega".

Por Galicia Confidencial | Compostela | 14/03/2014 | Actualizada ás 10:25

NÓS-Unidade Popular optou, finalmente, por non participar en ningunha candidatura ás elección europeas do próximo mes de maio. E, a principal razón, está en non ter conseguido que as forzas nacionalistas galegas se puxeran dacordo para articular unha "candidatura nacional galega, plural, de esquerda e soberanista" que presentase unha "proposta común polo Estado galego e por unha Europa dos pobos".

Sen embargo, esta opción non foi posible, segundo esta organización, porque nin Anova, nin o BNG, foron incapaces de atinxir acordos mínimos comúns para creala. "Porén, esa opçom ficou pronto invalidada", sinala nun comunicado.

ERC, CUP e o BNG

Por iso, e, como segunda opición, NÓS-UP tentou buscar a confluencia con outras forzas soberanistas e de esquerda das nacións do Estado pero descartando a ERC por considerar que "sustenta políticas neoliberais e repressivas no Principat da Catalunya incompatíveis com a nossa posiçom política". Nesta busca a súa mellor opción eran a CUP pero esta formación decidiu, finalmente, non participar nestes comicios.

Durante este proceso, Nós-UP e o BNG tamén estiveron falando pero "outras organizaçons mudárom de posiçom em funçom da atuaçom de ERC ou doutras circunstáncias", en alusión ao Bloque, o que "dificultou a consolidaçom de umha posiçom comum baseada na confiança mútua". Ademais, critican que nunha hipotética coalición a súa postura política quedaría case "semi-oculta".

8 Bautista do Unto

Agora xa so falta o comunicado dos do Movemento pola Base de Cotización de que eles tampouco participan

7 Os do taxi

Os do taxi (catro e o que conduce) criticando e esixindo. NOS-Up sempre na vangarda. Paren as rotativas.

6 Un de ANOVA

Politicamente non me parece rentable,pero entendo a non participación. Infelizmente non temos listas exclusivamente galegas.

5 galego do común

Agardamos que o nacionalismo de esquerdas (BNG, Nós-UP e Causa Galiza) traballen no futuro en accións comúns. Adiante Nós-UP, Adiante BNG-Bildu.

4 eusi

Talvez o que se necesitaba en Galiza é o labor conciliador de NosUp&Down... Que o Bng non queira ir con Anova tras esta pedirllo multiplas veces xa dará conta o electorado se fixo ben ou non. Sen embargo, que venhan estes a dar lecións de como hai que facer, xa é de traca!

1 Respecto

Ten un pouco de respecto para outras organizacións diferentes a AGE, moitos agradeceriamoscho. Nós -UP ten todo o dereito a decidir a presentarse ou non xa que é unha forza soberana.