Lara Méndez insta a Caballero a "sumar" no proxecto liderado por Formoso

A alcaldesa de Lugo e futura vicesecretaria xeral do PSdeG, Lara Méndez, instou ao portavoz parlamentario da súa formación, Gonzalo Caballero, a "sumar" no proxecto liderado por Valentín González Formoso.

Preguntada polos medios de comunicación pola decisión dos afíns de presentar candidaturas alternativas aos órganos nacionais e federais e o posterior veto destas por parte da comisión organizadora do XIV Congreso, a rexedora sinalou que todos os socialistas deben respectar ás normas do partido.

"Cada un é responsable das súas decisións, todos temos que aternos ás normas que nós mesmos establecemos e que son de obrigado cumprimento", sinalou a rexedora, que incidiu que a integración non só se realizará este mércores nos órganos de dirección, senón que, tras o congreso, tamén "hai espazo para seguir sumando".

"Todos os militantes son necesarios, formamos parte do PSdeG e hai espazo para sumar, que é o gran obxectivo: sumar dentro para gañar fóra", sinalou.

A alcaldesa de Lugo, Lara Méndez.