A Federación Galega de Micoloxía e a Xunta divulgarán as oportunidades deste recurso forestal
Na reunión mantida tratáronse tamén aspectos como o desenvolvemento normativo.
Por E.P. | SANTIAGO DE COMPOSTELA | 14/02/2022 | Actualizada ás 12:26
A Federación Galega de Micoloxía e a Xunta acordaron colaborar para a divulgación das oportunidades que ofrece este recurso forestal. O director xeral de Planificación e Ordenación Forestal, José Luís Chan, reuniuse con membros da xunta directiva da Federación para estudar as posibilidades de colaboración en favor da micoloxía.
No encontro, no que estivo o presidente da Federación, José María Traba, e o vicepresidente, Manuel Costas, tratáronse aspectos como o desenvolvemento normativo ou a divulgación da actividade micolóxica.
O aproveitamento de cogomelos está regulado en Galicia a través dun decreto no que se establecen tres tipos de aproveitamentos: para consumo propio --ata un máximo de dous quilos por persoa e día, sempre que non sexan produto de plantación--, comerciais --requiren autorización do propietario do monte e estarán sometidos á autorización explícita e por escrito do propietario-- e con fins científicos --limitado a cinco unidades representativas enteiras por especie--.
Por outra banda, o Plan Forestal de Galicia 2021-2040 prevé que se realicen actuacións de fomento e investigación (I+D+i) sobre aproveitamentos micolóxicos.
