O plan da Xunta contra o lume inclúe novidades na detección e 35 parroquias de alto risco

O presidente da Xunta, Alfonso Rueda, informou este xoves da aprobación do Plan de prevención e defensa contra os incendios forestais de Galicia, cun custo --entre prevención e previsto para a extinción de lumes forestais-- de 180 millóns de euros. O documento, que supoñen o despregamento a 1 de xullo de 7.000 efectivos, inclúe novidades en detección de incendios --con máis cámaras de vixilancia e unha previsión de risco a nove días--, xunto con cambios para reforzar os mandos operativos e a coordinación.

Ademais, segundo a información facilitada polo presidente durante a súa intervención na rolda de prensa posterior, identifica un total de 35 parroquias de alto risco de incendio, o mesmo número que o ano pasado, aínda que saen catro lugares e entran outros catro (que non estaban): a parroquia de Meirás en Folgoso do Courel, A Gudiña --no municipio homónimo--, Pereiro na Mezquita e Calvos en Calvos de Randín.

Entre outros medios, ademais de 380 motobombas, incorpóranse seis novas cámaras de videovixilancia ata as 148 en máis de 70 localizacións. Tamén se mellora a tecnoloxía para a perimetraxe dos incendios --coa acción de forma automática--, sectorízanse os incendios para unha mellor extinción e mellórase a información á veciñanza das parroquias de máis risco, así como para o persoal que traballa neste ámbito.

Arquivo - Labores de extinción do incendio forestal que se orixinou a pasada madrugada na contorna da localidade de Ferreirós de Abaixo, no municipio de Folgoso do Courel. Carlos Castro - Europa Press - Arquivo