Case 140 espectáculos de música, danza e cultura para gozar na Coruña ata que acabe o verán
O plan da Rede Cultural estenderase pola provincia grazas á Deputación.
Por E.P. | SANTIAGO DE COMPOSTELA | 18/08/2022 | Actualizada ás 11:11
A Deputación da Coruña ofertará ata o final do verán 138 propostas de cinema, teatro, circo, monicreques, espectáculos de promoción do galego, maxia, danza e concertos de música dentro da programación da Rede Cultural. O programa 'Visións' achegará 28 filmes, entre os que están 'Cuñados', 'O meu amigo Pony' ou 'A galiña Turuleca'. Un total de 38 serán as actuacións dos grupos de música, danza e teatro non profesionais do programa 'Pilar'.
Mediante o mesmo, programaranse concertos da Banda de Música de Arca, Regueifeir@s de Galicia, Pandereteiras sen fronteiras, Tropicalia Troupe, Charanga Santa Compaña ou A Chiqui Band do Laboratorio. Danza, música, teatro e monicreques conforman a oferta de 'Escena ao vivo'. Serán 105 espectáculos nos poderase ver o último de Marta Alonso Tejada, Pablo Díaz, Dixie Kings ou Cristian Leggiero, entre outros.
Tamén música, teatro e maxia teñen un oco na programación de 'Lingua a escena!', que ofrecerá 14 espectáculos de narración oral e de promoción do galego.
