Detectados dous casos de gripe aviaria en dúas aves migratorias

A Xunta identificou dous casos de gripe aviaria en dúas aves silvestres que, segundo a Consellería do Medio Rural, estaban de paso por Galicia e non aniñan nin teñen colonias no país.

Os positivos están a ser analizados polos técnicos da Administración autonómica, que avalían os informes de laboratorio e as circunstancias e lugares de recollida das aves contaxiadas.

Así o trasladou este sábado a Consellería do Medio Rural, que apunta que, no caso de que se confirme a "alta patoxenicidade" dos casos, estes "serán declarados e comunicados ás autoridades competentes, para os efectos oportunos".

A Xunta resalta nun comunicado que o subtipo de virus de gripe aviaria declarado en Europa "non ten carácter zoonósico", é dicir, que non pode transmitirse desde os animais ás persoas a través da carne cociña, ovos ou produtos procesados.

Así mesmo, remarca que a detección de casos en aves silvestres "non afecta ao status sanitario das explotacións avícolas, nin aos movementos dos seus animais".

Ave atopada pola Policía Local de Lugo.. POLICÍA LOCAL DE LUGO