A retranca galega é noticia nos medios británicos a conta do referendo de Escocia

Unha petición en Change.org que pedía que Galicia fora “parte integral” do Reino Unido se Escocia se independizara é noticia no Mirror.

Por Galicia Confidencial | Compostela | 19/09/2014 | Actualizada ás 13:30

Nunca un vídeo de Turgalicia tivo tanto impacto mediatico. E non fixo falta pagar suculentas sumas de cartos aos grandes medios galegos ou españois para que o difundan. Foi unha iniciativa cívica, chea de retranca e sen un peso en Change.org, a que lle ten dado unha visibilidade incrible a unha das campañas turísticas galegas que pasaría sen pena nen gloria.

Precisamente, este é o vídeo que o Mirror elixiu para mostrar aos seus lectores “o que podía ser a nova Escocia”. Basease nunha curiosa, retranqueira e divertida petición en Change.org, da que xa Galicia Confidencial deu conta a finais do pasado ano, e que pide ao primeiro ministro británico, David Cameron, que acepte a Galicia como "parte integral" do Reino Unido se Escocia se chegara a independizar.

"Nós os galegos somos conscientes do feito de que Escocia pode independizarse en 2014 e que este asunto é preocupante. Necesita pensar unha solución a este desafío porque esta é unha proposta innovadora que non será capaz de rexeitar", asegura Antonio Formoso, o autor da curiosa petición.

Así, entre os argumentos que expón para tentar convencer ao premier inglés é que Galicia tamén é unha nación celta, ten gaitas, ten un equipo que se chama Celta de Vigo --como en Glasgow--, ten unha paisaxe abraiante, "clans como os escoceses en abundancia con caciques incluídos", aos galegos gústalles beber coma os escoceses, en Galicia tamén chove moito e ten unha identidade "forte" como a de Escocia.

Ademais, destaca que as bandeiras dos dous países son semellantes, Santiago é coma Edimburgo, os galegos son moi traballadores, o acento dos galegos é máis doado de entender en inglés que o dos escoceses, os galegos falan "as linguas latinas máis faladas do mundo; o español e o portugués", "comparten o mesmo humor que os británicos; a retranca" e a "economía británica mellorará coa nosa industria de pesca, téxtil (p.ex Zara), turismo cultural (O Camiño de Santiago), as mellores praias do mundo".

Esta humorística petición xa chegou aos máis de 2.100 apoios na plataforma de change.org

7 Daniel

Seria um retrocesso na afirmação da cultura e língua galega, não é solução sair do seio de um estado e quer se meterem noutro, revelador de falta de personalidade. Mas claro os galegos são sempre livres de fazerem referendos e irem para onde lhes dá na gana. Aliás se o Reino Unido perdesse ou perder alguma das jóias da coroa rapidamente tentarão ir pescar noutra zona e claro Espanha será um território fértil para isso a começar pela Galiza ou País Basco.

6 Vendo_barato_mera

Non sei se o saberán os nosos retranqueiros galegos, pero o caso e que isto ven sendo máis ben doble retranca: Logo de que Galiza quedase libre das tropas de Napoleón, dende a Junta de Cádiz se negocióu darlle Galicia ao Reino Unido en troques de abastecemento para 100.000 soldados. Veña galeguiños, non sodes españois? pois entón aceptade esas vendas, miñas xoias.

5 galegoexiliado

Plis mister Camarón, don du it, gui jaf inof galegos in Londón. Ai rimain yu dat Mariano and Feijo ar galicians tu. Plis tranca la door y kip den aguei.