Sabes que carreiras son as máis demandadas polas empresas?, e as que teñen máis saída laboral?
En Galicia, as demandas céntranse nas áreas de Educación e da Saúde.
Por Europa Press / Redacción | MADRID | 28/05/2024 | Actualizada ás 11:38
As carreiras das ramas de Ciencias Sociais e Xurídicas, de Ciencias da Saúde, e as titulacións de enxeñarías son as máis demandas polas empresas, segundo un estudo de Infoempleo e LHH Recruitment Solutions e, no caso de Galicia, as demandas céntranse nos graos de Educación e Pedagoxía, Enfermaría e Medicina.
Por primeira vez desde que se fai este estudo, Educación e Pedagoxía encabezan a lista de carreiras máis demandandas, cun 24,63 % das vacantes nas ofertas de emprego. En segunda posición mantense Enfermaría, co 11,15 % das ofertas, aínda que con cifras negativas en termos interanuais.
Medicina e Biomedicina perderon o liderado desta lista, e representan o 8.95 % das ofertas de emprego dirixidas a titulados universitarios. O estudo tamén sinala que, entre os graos con máis saídas laborais en Galicia, sitúanse tamén Administración e Dirección de Empresas (ADE), e Enxeñaría de Telecomunicacións.
DATOS A NIVEL ESTATAL
A nivel estatal, as carreiras da área de Ciencias Sociais e Xurídicas (46,36%) encabezaron a demanda no último ano, e aumentan máis de nove puntos porcentuais a súa presenza nos requirimentos das ofertas respecto de 2022, tomando a substitución das titulacións sanitarias, á cabeza por áreas de coñecemento desde 2021.
Pola súa banda, as carreiras de Ciencias da Saúde (27,39%), que foron as máis demandadas durante os anos de pandemia, caeron ata a segunda posición e decrecen un 12,89% respecto de 2022. As titulacións da área de Enxeñaría e Arquitectura, presentes nun 24,24% das ofertas, creceron 3,62 puntos porcentuais durante o último ano, e van recuperando aos poucos o terreo perdido estes últimos anos. En cambio, as carreiras da rama de Ciencias (1,01%) e de Arte e Humanidades (1%) son as menos demandas.
ENSINO, O SECTOR QUE MÁIS UNIVERSITARIOS DEMANDA
Por primeira vez desde 2020 o sector sanitario non encabeza a demanda de titulados universitarios, posto que no último exercicio, o sector de Ensino e Formación subiu ata a primeira posición, converténdose no maior demandante deste nivel formativo.
O sector Formativo concentrou un 17,98% da oferta de emprego para titulados universitarios en 2023, incrementándose 0,30 puntos respecto de 2022.
