Crecen as persoas hospitalizadas e casos activos de Covid en Galicia
Os contaxios detectados por PCR sitúanse nos 116 na última xornada.
Por Europa Press / Redacción | SANTIAGO DE COMPOSTELA | 14/09/2022 | Actualizada ás 11:04
As persoas hospitalizadas por Covid en Galicia aumentaron lixeiramente este mércores, alcanzando os 138, dos que 132 (+2) están en unidades convencionais e seis en UCI (-1). Soben tamén as infeccións activas, 1.253 (27 máis), pero baixan os contaxios detectados por PCR nas últimas 24 horas ata os 116, 28 menos que o martes.
Alcánzanse así as 676.097 persoas contaxiadas desde o inicio da pandemia. Por contra, recuperáronse desde que comezou a crise sanitaria un total de 671.051 persoas, 89 máis na última xornada. Segundo a actualización publicada pola Consellería de Sanidade, con datos solicitados ata as 18,00 horas deste martes, non se notifican máis falecementos. O cómputo global continúa así nos 3.902.
ÁREAS SANITARIAS
En relación ao número de casos activos, a área sanitaria con maior cifra é a de Ourense, que segue con 292, seguida da Coruña, con 219 (+4), a de Vigo, con 191 (+12), e a de Santiago, con 181 (+3). Así mesmo, hai 169 (+3) casos activos na área de Lugo, 102 (-1) na de Pontevedra e 95 (+7) na de Ferrol.
En canto a presión hospitalaria, a área con máis pacientes en UCI é A Coruña, que continúa con dous, mentres que hai un en Lugo, Ourense, Pontevedra e Santiago. As áreas de Ferrol e Vigo xa non teñen ningún positivo Covid en coidados intensivos. Por outra banda, a área da Coruña ten 38 pacientes en hospitalización convencional (+5); 27 (-1) están en Ourense, 17 (-3) en Pontevedra e 10 (+1) en Ferrol. As áreas de Vigo, Lugo e Santiago non notifican cambios e seguen con 15, 13 e 12 pacientes, respectivamente.
