Marea Atlántica presenta a súa candidatura para as eleccións locais de 2023 o 12 de novembro
O acto celebrarase na Fundación Luís Seoane, ás 12,00 horas, do 12 de novembro e servirá para dar a coñecer publicamente a lista elixida en primarias, segundo informa.
Por E.P. | A CORUÑA | 03/11/2022 | Actualizada ás 14:51
A Marea Atlántica presentará a próxima semana a súa candidatura para as eleccións municipais de 2023. O acto celebrarase na Fundación Luís Seoane, ás 12,00 horas, do 12 de novembro e servirá para dar a coñecer publicamente a lista elixida en primarias, segundo informa.
Con acceso libre ata completar o aforamento, este será o primeiro acto oficial da persoa candidata á Alcaldía da Coruña da Marea Atlántica, "apostando por renovar e fortalecer o proxecto por unha cidade máis xusta, verde, feminista e democrática que levamos oito anos construíndo desde o Concello da Coruña", indican desde a formación.
Ademais, o mesmo contará coa participación do exalcalde da Coruña, Xulio Ferreiro, e María García, portavoz do grupo municipal, entre outros representantes.
Nas primarias da Marea Atlántica concorreu unha lista, co nome de 'Todas as Mans', e encabezada polo candidato Xan Xove, exdiputado no Parlamento galego.
Agora, sobre os dez nomes que a conforman tamén, quedará en man das persoas con dereito a voto nas primarias determinar a orde na que os seus nomes aparecerán na papeleta electoral.
A votación terá lugar os próximos días 5, 6 e 7 de novembro, de maneira presencial no local da Marea Atlántica, na praza dos Ovos.
