O detido por tirotear a un mozo en Maceda pasará este domingo a disposición xudicial
Por Europa Press / Redacción | OURENSE | 07/01/2023 | Actualizada ás 14:13
O home detido por ferir a un mozo de tres disparos o pasado novembro en Maceda pasará a disposición xudicial este domingo, segundo apuntaron fontes da Garda Civil.
O home continúa este sábado na Comandancia do Instituto Armado á espera de que este domingo sexa chamado ao Xulgado de Instrución número 1 de Ourense.
A Garda Civil detívoo o xoves, 5 de xaneiro, máis de dous meses despois dun episodio que deixou ferido grave a un mozo nun edificio de Maceda. Considéraselle autor dun delito de homicidio en grao de tentativa. A investigación continúa aberta, aínda que as actuacións foron declaradas secretas.
O suceso tivo lugar o 2 de novembro, sobre as 22.00 horas da noite, nun edificio de rúa Cardeal Quiroga. A vítima recibira tres disparos efectuados por outro home ao que desde entón buscaban as forzas de seguridade.
Nin o portal do inmoble nin o da vivenda do ferido presentaban signos de ser forzados. A vítima, que se dedicaba á gandaría, permaneceu durante días en reanimación no Complexo Hospitalario Universitario de Ourense.
