A Federación Euripea de Ciencias Farmacéutucas terá como nova presidenta á investigadora galega María Blanco
Natural de Pobra de Trives, María Blanco centra a súa investigación no desenvolvemento de nanofármacos para o tratamento do cancro.
Por E.P. | SANTIAGO DE COMPOSTELA | 09/02/2023 | Actualizada ás 20:14
A investigadora galega María Blanco Prieto, catedrática da Universidade de Navarra, foi nomeada presidenta da Federación Europea de Ciencias Farmacéuticas (EUFEPS, polas súas siglas en inglés). Segundo indicou o centro universitario nun comunicado, Blanco é a única española que integrou a xunta directiva desta asociación, da cal comezou a formar parte en 2018 e desde 2021 era a vicepresidenta.
Esta federación está integrada por sociedades científicas de 15 países da Unión Europea e a súa misión é promover a excelencia na innovación e investigación en ciencias farmacéuticas en Europa. Entre os seus fins, tamén se atopa o apoio á formación e á educación, así como representar os intereses dos científicos comprometidos coa investigación e o desenvolvemento de fármacos.
Natural de Pobra de Trives, María Blanco centra a súa investigación no desenvolvemento de nanofármacos para o tratamento do cancro, en particular do cancro infantil, así como a rexeneración do tecido cardíaco e cerebral mediante o uso da enxeñaría de tecidos.
Entre outros recoñecementos, a catedrática é membro da Academia Nacional de Farmacia de Francia e a de Galicia e desde o ano 2020 preside a Sociedade Española de Farmacia Industrial e Galénica.
