Ferida con arma branca unha coidadora do Servizo de Axuda no Fogar
A traballadora foi trasladada a un centro hospitalario con feridas leves
Por Europa Press / Redacción | A Coruña | 13/02/2023 | Actualizada ás 11:53
Unha usuaria do Servizo de Axuda non Fogar (SAF) agrediu cunha arma branca a unha coidadora na localidade coruñesa de Dodro. O suceso ocorreu sobre as 09,00 horas no lugar de Tallós, pertencente á parroquia de Laíño.
Segundo confirmou a Europa Press o alcalde do municipio, Xavier Castro, a traballadora foi trasladada a un centro hospitalario con feridas leves. Nun primeiro momento a situación parecía máis grave porque algúns dos cortes producíronse na zona da cabeza, polo que "cando os servizos de emerxencia chegaron ao lugar atopáronse con moito sangue".
O rexedor sinalou tamén que a presunta agresora foi detida no lugar de Reboiras, preto da vivenda onde sucederon os feitos este luns. Ademais, afirmou que tivo que ser trasladada a un centro hospitalario baixo custodia da Garda Civil, xa que se atopaba en tratamento psiquiátrico e sospéitase que puido sufrir un brote.
