Denuncian que a nova Política Agraria Común diminuirá os ingresos para as explotacións agrarias

A Federación Rural Galega (Fruga) denunciou que a entrada en vigor da nova Política Agraria Común (PAC 2023-2027) diminuirá os ingresos para as explotacións agrarias. Segundo trasladou nun comunicado, este novo período suporá un "maior grao nas esixencias ambientais" para a maioría das explotacións.

Un feito que xa fora denunciado en febreiro pola asociación gandeira Agromuralla que alertaba da complexidade desta nova PAC e o perigo que esta supuña para os ingresos das explotacións.

NOVAS ESIXENCIAS

Entre as novidades que presenta a nova política agraria estará, lamenta a Fruga, a obrigación imposta a todas as leiras de explotación de máis de 10 hectáreas pola que terán que cambiar o cultivo cada tres anos.

Tamén, incluirá que o 4% da superficie agrícola destínese a elementos non produtivos, a obrigación de levar un caderno dixital da explotación ou a elaboración dun plano de xestión de aplicación dos fertilizantes, co deber da aplicación dos xurros.

Ademais, a relación coa administración terase que facer obrigatoriamente vía telemática, con posible sanción en caso de non cumprilo. Isto, engadiron, obrigará en moitos casos a contratar un servizo para cumprir todas estas imposicións, con risco de que moitas explotacións desistan e poidan decidir pechar.

Nesta liña, outro dos inconvenientes que advirte a federación é a redución do importe das axudas, que en moitos casos actúan como táboa de salvación para as explotacións, diminuíron nun 30% con respecto a 2022.

Con todo, a federación lamentou o aumento dunhas esixencias que van da man coa diminución das axudas proporcionadas e que, auguran, poden desencadear en abandono e maior desertización do rural galego.

Unha vaca pastando nunha leira de gandaría extensiva en Colmenar Viejo | Fonte: Europa Press