A Xunta fala dunha Semana Santa "gratificante"
Nava Castro di que "todo indica" que se superarán cifras de 2022.
Por Europa Press / Redacción | SANTIAGO DE COMPOSTELA | 12/04/2023 | Actualizada ás 14:17
A directora de Turismo de Galicia, Nava Castro, referiuse este martes aos resultados turísticos da Semana Santa en Galicia cualificándoos como "gratificantes" e augurou bos datos para o resto do ano.
En declaracións aos medios tras participar nun acto en Santiago de Compostela, Nava Castro lembrou que Galicia pechou 2022 con "cifras históricas de turistas", que pasaron de 3,5 millóns en 2012 a 6,5 millóns o pasado ano, así como unha marca de máis de 400.000 compostelas.
"Agora, todo está a indicar que esas cifras as imos a superar", dixo a directora de Turismo de Galicia, que puxo en valor o "termómetro" da Semana Santa, cunha ocupación media na comunidade do 85% e puntos que alcanzaron o cheo completo, así como con cifras de peregrinos que están "a superar aos anos anteriores".
