Ferido o conductor dun tráiler de madeira para Finsa tras caer por un desnivel
Por Europa Press / Redacción | SANTIAGO DE COMPOSTELA | 17/04/2023 | Actualizada ás 16:07
O condutor dun camión tráiler que sufriu unha saída de vía con posterior caída por un desnivel na N-63, ao seu paso polo Pino, resultou ferido e foi trasladado en ambulancia ao Complexo Hospitalario Universitario de Santiago de Compostela (CHUS).
Así o ratificaron a Europa Press fontes do 061, que concretaron que, a pesar de que se mobilizou o helicóptero, finalmente o ferido, F.J.S.P., de 40 anos, foi estabilizado no punto e evacuado en ambulancia ao hospital.
Medios mobilizados ata o punto confirmaron a Europa Press que o tráiler transportaba desde Asturias un cargamento de labras de madeira para a fábrica de Finsa, en Santiago de Compostela. Así mesmo, confirmaron que o home non estaba atrapado e que foi evacuado ao hospital en ambulancia con problemas na zona das costas. O sinistro produciuse sobre as 10,30 horas deste luns.
