Falece unha persoa tras caer da súa moto en Gondomar

Unha persoa perdeu a vida tras caer da súa moto no municipio pontevedrés de Gondomar. Segundo informou o 112 Galicia, o suceso produciuse sobre as 09:30 horas deste domingo na EP-2301, ao seu paso pola parroquia de Peitieiros. Ata o punto tamén se desprazaron os profesionais de Urxencias Sanitarias de Galicia-061, a Garda Civil de Tráfico e a Policía Local.

Helicóptero de Urxencias Sanitarias de Galicia-061 / 061 / Europa Press