Galiza Nova denuncia que unha militante foi multada en Sanxenxo por colocar adhesivos contra o Rei emérito
A Policía Local identificou a dous militantes, instándoos a retirar os adhesivos e indicándolles que, deste xeito, "non serían propostos para sanción"
Por Europa Press / Redacción | SANTIAGO DE COMPOSTELA | 15/05/2023 | Actualizada ás 19:49
A organización xuvenil do BNG, Galiza Nova, denunciou este luns que una dos seus militantes foi multada no municipio pontevedrés de Sanxenxo por colocar adhesivos contra a visita do Rei emérito o pasado 17 de abril.
Segundo trasladou a organización, un grupo de militantes colocou varios adhesivos, carteis e pancartas con lemas contra a monarquía nas rúas do municipio. Durante este acto, afirman que a Policía Local identificou a dous militantes, instándoos a retirar os adhesivos e indicándolles que, deste xeito, "non serían propostos para sanción".
Con todo, Galiza Nova asegura que finalmente una das mozas si que foi sancionada economicamente, a pesar de que "obedeceu as ordes da Policía". "É unha auténtica vergoña e un ataque contra a liberdade de expresión. Galicia non ten rei e temos dereito a expresalo alto e claro e a manifestar o noso rexeitamento á visita do emérito deixándoo claro tamén nas rúas", reivindicou a secretaria xeral de Galiza Nova, Marta Gómez.
