Detido tras roubar dúas toneladas de cable de cobre en instalacións ferroviarias de Monforte

Axentes da Policía Nacional da Comisaría de Ourense detiveron a unha persoa como presunta autora do furto duns 2.000 quilos de cable de cobre que se atopaban en instalacións ferroviarias de Monforte.

Segundo informaron fontes policiais, os feitos ocorreron o pasado martes, cando unha persoa que conducía un camión con guindastre-pluma levou dunhas instalacións de trens en Monforte case dúas toneladas de cable de cobre.

Tras o furto, o condutor abandonou inmediatamente o lugar e dirixiuse cara a Ourense. Alí foi interceptado pola policía, que recuperou o material e procedeu á detención do condutor como presunto autor dun delito de furto.

Sinalización férrea con interior de cobre subtraída en obras do AVE na provincia de Ourense, recuperada pola Garda Civil.. GARDA CIVIL