Volve acontecer: uns 15 golfiños tiveron que ser reconducidos de novo na noite deste luns ao exterior da ría de Ferrol
Varios exemplares quedaron varados nas últimas horas na beira da praia de Seselle, en Ares.
Por Europa Press / Redacción | FERROL | 01/08/2023 | Actualizada ás 17:04
Uns quince golfiños tiveron que ser reconducidos na noite deste luns ao exterior da ría de Ferrol tras penetrar de novo neste espazo poucas horas despois de ser levados a mar aberto.
Sobre as 22.00 horas, volveuse a alertar aos integrantes de Protección Civil de que os animais penetraran de novo á ría de Ferrol, concretamente nas proximidades das enseadas de Cariño e San Cristóbal.
Á primeira hora da mañá xa sacaran da zona da enseada da Malata a estes golfiños, utilizando nalgún caso unha embarcación neumática e unha moto de auga para conducilos ás proximidades do porto exterior de Caneliñas.
Previamente, durante a tarde deste luns varios exemplares foron localizados e axudados polos bañistas na praia de Seselle, en Ares, para abandonar a beira, unha situación que se repetiu durante o mediodía deste martes no mesmo areal aresano.
