Controlado o incendio de Rubiá, que afecta a unhas 15 hectáreas de terreo

A Consellería de Medio Rural dá por controlado desde a madrugada deste venres o incendio forestal iniciado o xoves nunha zona escarpada do municipio ourensán de Rubiá, e que, segundo as últimas medicións provisionais, afectou a unhas 15 hectáreas de terreo.

En concreto, o lume, que se iniciou sobre as 15.30 horas, quedou estabilizado ás 19.30 horas e deuse por controlado pasadas as 2.30 horas da madrugada. Nos labores de control e extinción traballaron 12 axentes, 17 brigadas, 12 motobombas, dúas pas, un técnico, dous técnicos de apoio, un tractor, dúas unidades técnicas de apoio e medios aéreos (nove avións e dous helicópteros).

Incendio en Rubiá | Fonte: AGESGA