Localizados en bo estado, só con algúns cortes, os dous tripulantes que faltaban na costa de Ferrol
Os dous tripulantes da embarcación que se buscaba na costa de Ferrol foron localizados en bo estado, con algo de frío, algo despois do mediodía deste luns, nunha zona de difícil acceso, pola embarcación 'LS Condesa de Pardo Bazán' de Cruz Vermella, que escoitou un asubío.
Por Europa Press / Redacción | FERROL | 21/08/2023 | Actualizada ás 13:33
Os dous tripulantes da embarcación que se buscaba na costa de Ferrol foron localizados en bo estado, con algo de frío, algo despois do mediodía deste luns, nunha zona de difícil acceso, pola embarcación 'LS Condesa de Pardo Bazán' de Cruz Vermella, que escoitou un asubío, segundo informan fontes de Salvamento Marítimo.
A embarcación, 'CYM', duns sete metros de eslora, que saíu a faenar onte á noite e da que non se tiña noticia, motivo polo que a confraría de Ferrol deu aviso, atopouse sobre unha pena. O helicóptero da Xunta que participaba nas tarefas de procura foi enviado ao lugar para recuperar aos dous mariñeiros, que foron levados ao parking da feira de mostras de Ferrol. Alí, foron atendidos por unha ambulancia dalgúns cortes, e os seus familiares foron avisados.
