Detido un home de 50 anos acusado de alomenos tres incendios forestais en Xinzo de Limia: "Vouvos queimar o pobo"
Os lumes que, ata o momento, impútanselle ao detido ocorreron en outubro de 2021, Semana Santa de 2022 e a finais de agosto de 2023, aínda que non afectaron a unha grande extensión de terreo debido á rápida detección dos mesmos e a un tempo medio de resposta dos medios de extinción de tan só 12 minutos.
Por Europa Press / Redacción | OURENSE | 04/10/2023 | Actualizada ás 20:23
Axentes do Seprona da Garda Civil de Ourense detiveron a un veciño de San Pedro de Laroá de 50 anos como presunto autor de tres incendios forestais no municipio ourensán de Xinzo de Limia. Segundo informou o corpo, a investigación iniciouse en abril de 2022, por mor da coincidencia de 10 incendios ocorridos nos últimos anos nas inmediacións da localidade de San Pedro.
Grazas á colaboración dos veciños púidose vincular ao agora detido cos lumes e acreditar que en distintas ocasións ameazara a outras persoas con frases como "vouvos queimar o pobo". Os axentes non descartan a súa participación en máis lumes, polo que desde o Seprona solicítase colaboración cidadá ao obxecto de poder determinar a autoría dos demais incendios por si puidesen ter relación co agora detido.
Os lumes que, ata o momento, impútanselle ao detido ocorreron en outubro de 2021, Semana Santa de 2022 e a finais de agosto de 2023, aínda que non afectaron a unha grande extensión de terreo debido á rápida detección dos mesmos e a un tempo medio de resposta dos medios de extinción de tan só 12 minutos. O detido será posto a disposición xudicial no Xulgado de Primeira Instancia e Instrución de Xinzo de Limia.
