Bombeiros comarcais barallan unha folga de fame ao non ser tidas en conta a súas reivindicacións
Concéntranse este venres ante a Deputación de Pontevedra.
Por Europa Press / Redacción | SANTIAGO DE COMPOSTELA | 19/10/2023 | Actualizada ás 14:57
Os bombeiros dos parques comarcais de Galicia, en folga desde xuño e que a semana pasada decidiron dar liberdade aos traballadores para secundar ou non o paro --ata entón pedían non facelo--, concéntranse este venres ante a Deputación de Pontevedra.
Será a primeira de catro concentracións, pois o vindeiro luns está previsto que leven a súa protesta fronte ao organismo provincial de Ourense, o venres 27 ao da Coruña e o martes 31 ao de Lugo.
Xa en novembro, o día 17, teñen convocada unha manifestación en Santiago de Compostela e prevén a celebración doutra asemblea o 20 dese mes "para valorar o estado das negociacións e a posible adopción de novas medidas", entre as que citan peches, acampadas en lugares públicos e folga de fame dos case 500 bombeiros dos parques comarcais de Galicia.
