A oferta termal de Galicia supón o 20 % da total de España

O director de Turismo de Galicia, Xosé Merelles, remarcou o papel que a Xunta outorgará en 2024 ao turismo termal coa posta en marcha de axudas específicas que reforzarán a oferta e as infraestruturas. Merelles fixo estas declaracións na inauguración do 74º Congreso Internacional da Federación Mundial de Hidroterapia e Climatoterapia que se celebra en Ourense.

Esta medida, enmárcase no Plan de Sustentabilidade Turística en Destino Vilas Termais e Centros históricos que se executará a partir de 2024 no marco dos fondos europeos Next Generation. Desta forma, dá continuidade ao traballo realizado nos últimos anos para poder aproveitar a capacidade descentralizadora do termalismo, un dos obxectivos do modelo turístico da Xunta, cunha oferta que supón o 20 % de toda España e que ofrece preto de 3.000 prazas de aloxamento.

Auga quente procedente da xeotermia nas termas de Outariz, preto da cidade de Ourense | Fonte: galiciaunica.es - Arquivo