Os 10.000 bonos turísticos esgótanse en 10 minutos
Por Europa Press / Redacción | SANTIAGO DE COMPOSTELA | 27/10/2023 | Actualizada ás 13:05
Os 10.000 bonos turísticos que este venres puxo a Xunta a disposición dos galegos maiores de 18 anos esgotáronse en menos de 10 minutos, segundo informou o propio departamento autonómico.
En concreto, estes 10.000 bonos, cada un dotado con 100 euros, puxéronse a disposición do público na web específica habilitada para tal fin ás 9.00 horas e esgotáronse en menos de 10 minutos.
Esta iniciativa, que prevé mobilizar ata 2,5 millóns de euros, conta con máis de 200 establecementos turísticos de aloxamento e axencias de viaxe adheridos, nos que os usuarios deste bono terán descontos do 40 % ata esgotar o saldo. Os bonos poden usarse ata o 25 de decembro.
