A illa de Tambo, un paraíso para as especies vexetais... e tamén para algunhas invasoras
Un estudo sobre a biodiversidade na illa duplica o número de especies vexetais coñecidas.
Por Europa Press / Redacción | SANTIAGO DE COMPOSTELA | 23/11/2023 | Actualizada ás 11:56
Un estudo sobre a biodiversidade botánica na illa de Tambo --en Poio (Pontevedra)-- elevou un 107% o número de especies de especies de flora coñecidas ata a data, polo que os seus promotores piden que se reforce a súa protección natural.
En total, a investigación realizada por biólogos, enxeñeiros forestais e investigadores da USC en colaboración coa Asociación para a Defensa Ecolóxica de Galicia (Adega) logrou identificar 237 especies de flora na illa, 123 que as que se tiña constancia a día de hoxe.
As conclusións do estudo apuntan á illa, propiedade do Ministerio de Defensa que cedeu a súa xestión ao Concello de Poio a mediados de 2022, como un espazo de "alta biodiversidade vexetal" a pesar do seu pequeno tamaño. En Tambo crecen o 10% de todas as plantas vasculares de Galicia, que suma 2.391 en total, polo que os expertos consideran que se trata dun espazo "altamente indicado" para "ser orientado á conservación da natureza" ante a súa alta concentración de biodiversidade nun espazo reducido.
O estudo tamén apunta á menor presenza de eucalipto, algo que ven ligado á elevada variedade de especie, e identifica 22 plantas invasoras. Adega fixo entrega do informe ao Concello de Poio e pedirá que os resultados sexan presentados na comisión de seguimento sobre a illa de Tambo como paso para que sexa declarada como un Espazo Natural de Interese Local (ENIL).
