La Vuelta 24 volve cruzar Galicia
Catro das etapas serán en territorio galego.
Por Europa Press / Redacción | Compostela | 19/12/2023 | Actualizada ás 21:11
La Vuelta Ciclista a España presentou este martes o percorrido oficial para a súa edición de 2024, que arrincará e terminará cunha contrarreloxo individual, en Lisboa o 17 de agosto e o 8 de setembro en Madrid, e que contará cun deseño marcadamente montañoso con ata nove finais no alto e moitas etapas para 'emboscadas'.
Catro das 21 etapas terán protagonismo galego. En concreto, chegará a Galicia a segunda semana de competición. A etapa 10 comezará na provincia de Pontevedra cunha xornada entre Ponteareas e Baiona. A etapa 11 será desde o Campus Tecnolóxico Cortizo en Padrón, que acollerá a saída e chegada.
A xornada 12 sairá da cidade de Ourense, percorrerá parte da Ribeira Sacra e encarará a ascensión final á Estación de Montaña de Manzaneda. A despedida de Galicia chegará cunha última etapa de montaña entre Lugo e o Porto de Ancares, na xornada 13.
