O emprego turístico creceu en Galicia un 4,7% en 2023, sete décimas por baixo da media estatal
Os afiliados polo réxime de autónomos non presenta variación porcentual.
Por Europa Press / Redacción | SANTIAGO DE COMPOSTELA | 18/01/2024 | Actualizada ás 13:59
O emprego turístico creceu en Galicia durante 2023 un 4,7%, sete décimas por baixo da media estatal, que terminou o ano cun incremento do 5,4% e o maior número de afiliados da serie histórica. Así o recollen os datos facilitados este xoves por Turespaña, que cifran en 80.338 o número de afiliados na Comunidade galega vinculados a actividades turísticas.
Deste xeito, o dato de decembro reflicte unha subida do 4,7% en comparación co mesmo mes do ano anterior. Deles, 58.637 afiliados son asalariados, o que representa unha subida do 6,6%. Por contra, os afiliados polo réxime de autónomos non presenta variación porcentual respecto ao dato de hai unha ano. En total, hai 21.701 traballadores por conta propia en actividades do sector turístico.
DATOS ESTATAIS
A nivel estatal, os afiliados á Seguridade Social vinculados a actividades turísticas aumentaron en decembro un 5,4% respecto ao mesmo mes do ano anterior -132.189 afiliados máis- para situarse por encima dos 2,5 millóns, en concreto en 2.590.221.
Desta forma, 2023 acaba co maior número de afiliados da serie histórica, segundo datos de Turespaña. O emprego turístico supón xa o 12,5% do total de afiliados da economía do país, que en conxunto creceu un 2,8% en para ese mes (3,3% no sector servizos). En relación con decembro de 2019, referencia prepandemia, o crecemento do emprego turístico é do 8,1%.
Para o ministro de Industria e Turismo, Jordi Hereu, estes datos ejemplifican que "en España baixou a temporalidade e aumentaron os salarios, o que demostra que, en turismo, como noutros moitos sectores, está a darse ese círculo virtuoso polo que estamos a xerar prosperidade económica á vez que ampliamos dereitos laborais".
