USO pide a rescisión do contrato á empresa Segursystem en servizos de seguridade dependentes de Cultura
Desde o sindicato anuncia que a empresa está "próxima á súa quegra técnica" o que a leva a "incumprimentos salariais"
Por E.P. | A CORUÑA | 21/03/2024 | Actualizada ás 19:28
O sindicato USO solicitou á Consellería de Cultura a rescisión do contrato da empresa Segursystem ao estar, asegura, "próxima a súa quebra técnica".
A compañía é a actual adxudicataria de servizos de seguridade dependentes da Consellería de Cultura, como son o Museo das Peregrinacións de Santiago, o de Belas Artes da Coruña ou as bibliotecas públicas Miguel González Garcés e Ánxel Casal, situada a primeira na cidade herculina e a segunda en Compostela.
Desde o sindicato profesional, indican que "se puxeron en contacto coa Consellería e comunicado os incumprimentos salariais da empresa coas persoas traballadoras e múltiples sancións impostas pola autoridade laboral".
Desde FTSP-USO sinalan tamén que "Segursystem entrará nuns meses en quebra técnica e non poderá facer fronte ás súas obrigacións salariais coas persoas traballadoras".
