Denunciar para acadar obxectivos políticos

Facer ver que todo  é corrupción sempre foi un obxectivo que a dereita empregou con moita frecuencia.  Pois aínda que lle afecta é moito, o seu electorado apenas o penaliza. Mentres que na esquerda eso págase coa perda de moitos apoios. Non hai moito tempo aconteceu no veciño Portugal co presidente Rabelo de Saousa, e despois da dimisión dese señor e a convocatoria de eleccións chegou un cámbio de tendencia que favoreceu  ós conservadores e aupounos  ó poder na república veciña. 

 

Nesta cidade tamén aconteceu algo semellante co bipartito hai uns cantos anos.   As imputacións da man da xuiza De Lara foron a causa. Mais no seu afan xusticieiro esta  señora   esnaquizou unha alternativa de goberno que tiña unha maioría sólida. E, ó final, despois das demisións e dun calvario penal, todo quedou en auga de borralla. Ou sexa: en nada de nada. Mais, o obxectivo cumpliuse, e agora xa temos a un salvador no Concello que esnaquiza todo o que toca. Un predicador ó que se lle enchía a boca lareteando  ós catro ventos  que ia arranxar todos os problemas que temos na cidade das Burgas  en apenas uns meses. Mais,  como do dito ó feito vai un treito, agora, de  todo o  prometido, nada de nada, e xa van seis anos. E a cidade    está   peor  que cando él e os seus colegas chegaron  a ocupar a  cadeira de mando. 

 

O caso da señora Oltra seguro que non será o  último, pois haberá moitos máis. A loita partidaria case sempre  é moi marrulleira e, aínda que sexa a costa do  descrédito da política, sempre hai que empregue as trampas máis escuras co único afán de acurtar o camiño `pra chegar ó poder. 

 

Con todo,  diante esta situación, os diferentes partidos teñen normas que sobor de todo na esquerda debían de  revisalas. Pois, conforme na dereita non se dimite ata que hai sentencia definitiva; na outra banda soamente con que te imputen xa tes que dimitir. Xa estás condenado ata polo teu partido.  Lembro casos como o do alcalde de Lugo Sr. Orozco que tamén foi imputado, máis no dimitiu;  e co paso do tempo as imputacións foron caendo ó chan e remataron arquivadas.

 

A política debera ser a prestación dun servizo á sociedade e  tamén debera ser un exercicio noble. Máis, a día de hoxe, non o parece. Todo está emerdado de tal xeito que, ás veces,  da noxo escoitar a algúns cargos que  hoxe estan na oposición e tamén no poder de entidades públicas de importancia. Cargos que insultan e chámanlle golpista ó presidente e camarilla ós actuais gobernantes.

 

Feijoo dixo recentemente que hoxe tíñamos a peor clase  política. Supoño que dentro desa peor clase política tamén está incluído o seu partido e el mismo. Mais pra que non aconteza o que dixo, convén que  no Congreso e demais institucións públicas  se debatan propostas ós problemas que ten a sociedade actual, e que non se perda o tempo co insulto. Compre chegar a acordos en asuntos básicos de Estado e que  non se bloquen institucións  públicas por intereses partidarios  como acontece hoxe por parte dos conservadores. 

 

O caso da señora Oltra volve deixar un arrecendo de inxustiza, pois a xustiza  como é moi lenta,  non poderá palíar a maldade e os danos  causados  por unha acusación sen fundamento. E o malo é que hai acusacións que axudan a torcer a vontade popular como aconteceu e acontece en moitas institucións e lugares. Esperemos que volva o sentidiño  á politica  polo ben da nosa   sociedade.