Unha persoa queda atrapada entre o seu motocultor e un muro mentres traballaba nunha leira en Vilanova de Arousa

Unha persoa resultou ferida en Vilanova de Arousa tras sufrir un accidente co motocultor co que traballaba, segundo informa o 112 no seu parte de incidencias. Ao lugar, acudiron os bombeiros de Vilagarcía que liberaron á persoa, ao quedarlle unha perna atrapada entre a máquina e un muro cando realizaba tarefas agrícolas nunha leira da súa propiedade, no lugar de Baión. A persoa do Servizo de Urxencias Sanitarias do 061 contactou co 112 Galicia para pedir axuda, ao redor das dúas do mediodía. Tras ser liberada, a persoa foi trasladada nunha ambulancia do servizo de Urxencias Sanitarias.

Motocultor | Fonte: Arquivo