Localizado o corpo sen vida da veciña de Vilagarcía desaparecida desde o martes

O cadáver da muller de 63 anos desaparecida desde o martes en Vilagarcía de Arousa foi localizado no mediodía deste mércores flotando na beira dunha praia de Vilaxoán, localidade na que residía.

O achado produciuse ás 15,30 horas nun areal situado nas inmediacións dunha antiga conserveira, segundo trasladaron fontes próximas ao caso, que confirman que a identidade da falecida corresponde á muller que se buscaba desde o martes.

Desde entón, organizouse un dispostivo para tratar de dar co paradoiro desta veciña de Vilaxoán, finalmente desactivado tras a localización do corpo sen vida na praia arousá.

Un barco de Salvamento Marítimo | Fonte: Arquivo - Europa Press