Comezan as especulacións no PP, por que só Diego Calvo e Román Rodríguez manteñen a acta de deputados?
Todos os conselleiros excepto eles dous renunciarán á súa acta na Cámara para centrarse na Xunta. Manter o escano é condición necesaria para entrar na terna de aspirantes ante unha hipotética sucesión presidencial. Con todo, tanto Calvo coma Rodríguez perderons competencias nas remodelacións da Xunta.
Por Europa Press / Redacción | Santiago de Compostela | 31/05/2024 | Actualizada ás 16:16
Os conselleiros que foron elixidos deputados nas pasadas eleccións autonómicas do 18 de febreiro, excepto Diego Calvo e Román Rodríguez, deixarán a súa acta en Parlamento de Galicia para centrarse no seu labor na Xunta. As renuncias, segundo informaron a Europa Press fontes próximas ao presidente, iranse materializando nos próximos días, de forma que no próximo pleno ordinario da Cámara, que se celebrará os días 11 e 12 de xuño, poidan tomar posesión as persoas que os substitúan.
Si manterán o escano o conselleiro de Presidencia, Xustiza e Deportes, Diego Calvo, e o titular de Educación, Ciencia, Universidades e FP, Román Rodríguez. Trátase de dúas figuras con destacado peso político en partido nun contexto no que a lexislación galega obriga a que o presidente da Xunta teña acta no Parlamento. Así, no caso de que Rueda tivese que renunciar por calquera razón, algún deles podería entrar na terna de aspirantes ante unha hipotética sucesión presidencial.
Con todo, os dous conselleiros perderon competencias na nova Xunta. Calvo deixou de ser vicepresidente primeiro e, polo tanto, os galóns nunha suposta sucesión. Pola súa banda, Román Rodríguez perdeu todas as competencias en Cultura --as máis vistosas políticamente--, mentres que mantivo unha área máis complexa como é Educación. No que si coinciden estes dous conselleiros en que son "dos máis políticos" do gabinete de Rueda. E iso pode xogar ao seu favor posto que o actual líder do PP, a diferencia de Feijóo, busca cargos políticos, máis que tecnócratas.
CALVO E RODRÍGUEZ
En concreto, Diego Calvo (San Sadurniño, 1975) preside o PP da Coruña. Aínda que foi vicepresidente primeiro da Xunta na pasada lexislatura, neste mandato o presidente Alfonso Rueda decidiu suprimir as dúas vicepresidencias tras a súa primeira vitoria electoral nas urnas como candidato á Presidencia. Ademais, Calvo ostentou distintas responsabilidades e foi o primeiro delegado territorial da Xunta na Coruña, un cargo que naquel entón estaba precisamente ás ordes de Alfonso Rueda. Tamén ten experiencia na xestión local, tendo en conta que foi concelleiro de Ferrol e presidente da Deputación coruñesa.
Pola súa banda, Román Rodríguez (Lalín, 1968) é Licenciado en Xeografía e Historia e doutor en Xeografía. É un conselleiro veterano tras entrar a formar parte do Goberno galego en 2015. Precisamente, foi concelleiro en Lalín e no 2009 deu o salto ao Parlamento de Galicia, onde foi o portavoz do PPdeG en educación. A súa repetición no departamento educativo entendeuse como un respaldo á súa xestión nun sector delicado. Deste xeito, Rueda mantén a dous dos seus conselleiros como parlamentarios, xa que a lexislación galega obriga a que o presidente da Xunta teña acta no Parlamento e, no caso de que Rueda tivese que renunciar por calquera razón, algún deles podería ocupar o seu posto.
SETE CONSELLEIROS CENTRARANSE NO SEU LABOR NA XUNTA
Deste xeito, deixarán a acta no Pazo do Hórreo para centrarse no seu labor como conselleiros o responsable de Mar, Alfonso Villares; o titular de Emprego, José González; a conselleira de Vivenda e Infraestruturas, María Martínez Allege; o titular de Facenda, Miguel Corgos; a responsable de Ecomomía e Industria, María Jesús Lorenzana; e a que fora vicepresidenta segunda na pasada lexislatura e actual conselleira de Medio Ambiente, Ángeles Vázquez. Xa non ostentaban a condición de deputados o Parlamento de Galicia os novos conselleiros: Antonio Gómez Caamaño (Sanidade), José López Campos (Cultura, Lingua e Xuventude) e María José Gómez Rodríguez (Medio Rural).
