Un ferido e 20 persoas desaloxadas de dous edificios de Fisterra por risco de derrube

Os bombeiros de Cee tiveron que desaloxar a 20 persoas de dous inmobles de Fisterra por risco de derrube nos inmobles tras ceder parte da placa do cuarto piso.

O suceso tivo lugar ás 15,30 horas do pasado mércores nun edificio da travesía de Corveiro, segundo relataron fontes dos servizos de emerxencia, que engaden que unha muller resultou ferida nunha perna.

Tras recibir o aviso, os bombeiros mobilizados ao lugar comprobaron que había importantes danos no cuarto piso dun inmoble, polo que procederon a desaloxar a totalidade dos ocupantes dese e o edificio contiguo.

Os danos afectan estruturalmente ao segundo piso e o cuarto tamén presentaba danos, co chan bombeado, danos que foron corroborados e analizados por un arquitecto.

Un camión de bombeiros nas inmediacións onde se derrubou a parede dun edificio m | Fonte: Javier Vázquez - Arquivo