Sanidade enxalza o "papel decisivo" que xogará o futuro Comité Molecular de Tumores de Galicia

O conselleiro de Sanidade, Antonio Gómez Caamaño, participou este venres na inauguración da XXXV reunión anual da Sociedade Oncolóxica de Galicia, onde enxalzou a estratexia galega de oncoloxía de precisión e o papel decisivo que xogará o futuro Comité Molecular de Tumores de Galicia. Na súa intervención, Gómez Caamaño subliñou a importancia do carácter personalizado que ofrece a Estratexia galega de Oncoloxía de Precisión.

Esta ferramenta permitirá adoptar decisións terapéuticas en función dos tumores de cada paciente e que posibilitará ofrecer uns tratamentos máis específicos e eficaces para cada caso. "Avanzar na Oncoloxía de Precisión contribuirá ao deseño de novos tratamentos e posibilitará anticipar a súa aplicación", apuntou conselleiro.

Ademais, remarcou a importancia que terá neste ámbito o proxecto Xenoma Galicia, que inclúe a creación biobanco de mostras con ADN da poboación galega e a realización de cribados xenéticos para determinar que persoas teñen alto risco de padecer cancro de mama, de ovario hereditario ou a síndrome de Lynch.

O conselleiro de Sanidade, Antonio Gómez Caamaño. XUNTA