O bus urbano, transporte favorito dos galegos: Galicia foi a cuarta comunidade onde máis crecen os viaxeiros en abril

Galicia rexistrou máis de 5,88 millóns de viaxeiros de bus urbano en abril, o que supón un 26,3 % máis que no mesmo mes de 2023, segundo datos publicados este martes polo Instituto Nacional de Estatística (INE), recollidos por Europa Press. Desta maneira, Galicia situouse como a cuarta comunidade autónoma onde máis creceron os usuarios deste tipo de transporte no cuarto mes de 2024, só por detrás de Estremadura (+ 50,6 %), de Murcia (+ 37,8 %) e de Canarias (+ 31,4 %). Pola súa banda, en toda España este dato incrementouse un 22,6 %, con máis de 179,5 millóns de viaxeiros. No que vai de ano, Galicia contabiliza unha subida do 10,2 %, quedándose por baixo do aumento do 14,6 % que rexistra a media nacional.

DATOS NACIONAIS

A nivel nacional, o transporte en ferrocarril de longa distancia de alta velocidade segue o seu crecemento imparable en España e o pasado mes de abril creceu de novo un 22,5 % rozando os 3,1 millóns de pasaxeiros, sempre segundo a Estatística de Transporte de Viaxeiros do INE. Máis de 499,2 millóns de pasaxeiros utilizaron o transporte público en abril en España o que supón un 20,9 % máis que no mesmo mes do ano 2023, segundo datos do instituto estatístico español que destaca especialmente o incremento rexistrado no transporte por ferrocarril. Por segmentos o transporte urbano aumentou un 20,6 % en taxa anual e o interurbano un 20,5 %. Dentro do interurbano, destacou o incremento do 22,7 % no transporte por autobús, así como o ferrocarril de longa distancia un 22,5 %.

MAIS DE 3.000 MILLÓNS DE PASAXEIROS URBANOS

Os datos do INE datos a coñecer este martes mostran como o transporte urbano foi utilizado por máis de 307,5 millóns de viaxeiros en abril, o que supón un 20,6 % máis que no mesmo mes do ano 2023. O transporte por metro aumentou un 17,9 % en taxa anual e o transporte urbano por autobús un 22,6 %. Polo que se refire ao transporte interurbano este foi utilizado por máis de 142,9 millóns de viaxeiros o que supuxo un incremento do 20,5 % respecto ao mesmo mes de 2023. Por tipo de transporte, por autobús creceu un 22,7 %, por ferrocarril un 19,6 % e o aéreo un 4,8 %. Pola contra, o transporte marítimo baixou un 8,5 %.

No caso do transporte por ferrocarril as proximidades creceu un 20,9 % ata os 55,4 millóns, o de media distancia un 7,3 % ata os 4,3 millóns mentres que a longa distancia creceu un 16,9 % ata superar os 3,9 millóns. A alta velocidade foi a que mais creceu cun incremento no número de pasaxeiros do 22,5 % ata superar os 3,1 millóns de pasaxeiros. No caso do transporte aéreo os viaxeiros peninsulares aumentaron un 6,4 % ata os 1,5 millóns, os peninsulares co resto de territorios un 4,7 % ata os 1,9 millóns, mentres que os viaxeiros interinsulares aumentaron un leve 0,6 % ata os 499.000 pasaxeiros o pasado mes.