Atopan nunha vivenda de Ferrol o cadáver momificado dunha muller que levaría uns 8 meses morta

Profesionais do corpo de Bombeiros de Ferrol localizaron no mediodía deste mércores nunha vivenda da estrada de Catabois o corpo momificado dunha muller que podería ter morto fai oito meses. O corpo atopábase no interior dunha vivenda do número 251 da estrada de Catabois, ata a que se mobilizaron efectivos dos bombeiros acompañados por axentes da Policía Local de Ferrol e da Policía Nacional.

Os bombeiros utilizaron para acceder ao interior da vivenda o camión esqueira. Unha vez dentro, localizaron o cadáver momificado sobre un sofá. Segundo fontes consultadas por Europa Press o cadáver podería levar neste lugar ata oito meses, en virtude do estado que presentaba. Os primeiros indicios apuntan a que o corpo correspondería a unha muller que residía na vivenda e á que ninguén botou en falta durante os últimos meses. A comisión xudicial autorizou o levantamento do cadáver para o seu traslado ao Hospital Naval de Ferrol, onde está previsto que este xoves se lle practique a autopsia.

Imaxe de arquivo dun axente da Policía Nacional | Fonte: POLICÍA NACIONAL - Arquivo