PPdeG, PSdeG e BNG, o conto de nunca acabar para sacar ao populista Jácome do poder

Unha semana despois, pero no mesmo escenario, o Liceo de Ourense, as tres forzas políticas da oposición no concello ourensán, PP, PSOE e BNG volveron a manter unha reunión para avanzar nunha posible moción de censura. E, como na anterior, segue sen haber un acordo. o mesmo xeito que pasou na primeira reunión, os primeiros en abandonar a sala de xuntas foron os nacionalistas, que mantiveron o argumento que xa deran a semana pasada. Están dispostos a asinar a posible moción de censura a condición de que o alcalde ou a alcaldesa sexa do PSOE.

"É unha cuestión simple, nós non imos marear máis á xente, hai que ser claros, concretos e concisos, non podemos andar creando falsas expectativas", esgrimiu o edil do BNG, Xose Manuel Puga, sinalando que a súa formación non acudirá a outra reunión ata que se asine a moción de censura. "No momento en que se firme estamos dispostos a seguir falando de modo construtivo, sen ningún problema, das cousas necesarias para Ourense", dixo Puga, reiterando que "non" se trata dunha liña vermella ao Partido Popular, senón de "unha posición política" que estaba definida "a semana pasada", "hai un ano" e "fai cinco anos".

"Nós non imos facer alcalde ou alcaldesa a unha persoa do PP", remachou. Con todo, indicou que non falaron da configuración do próximo goberno, unha tarefa que, dixo, depende do próximo alcalde ou alcaldesa e na que eles non pon "ningunha condición". Respecto desta situación, o BNG entregou un documento a PSOE e PP coa firma do concelleiro nacionalista para que dean os numeros da moción de censura (14 firmas).

"FRIVOLIDADE MÁXIMA" PARA O PP

Como xa pasara na primeira reunión, desde o Partido Popular criticaron aos nacionalistas aos que volveron a acusar de "frívolos". "Non volo podedes nin imaxinar, unha frivolidade máxima", manifestou a coordinadora popular, Noelia Pérez, lamentando que "ao Bloque non lle interesaban os compromisos, viñan estampar a firma e hoxe materializárona".

A popular trasladou os mesmos argumentos que na última reunión, acusando os nacionalistas de "non querer gobernar" e "tampouco acordar nada". Así pois, volven chocar as súas visións. Mentres que o BNG quere saber quen será o candidato alternativo antes de porse a falar de acordos para a cidade, os populares cren que facelo así "é empezar a casa polo tellado" e sosteñen que "sen uns bos cimentos unha casa non se mantén".

"O que nós queremos é garantirlle aos cidadáns de Ourense que se hai un acordo vai ser un que beneficie a toda a cidade, e non imos permitir que o BNG impoña unha liña vermella á segunda forza política desta cidade, que é o PP", aseverou a coordinadora do PP municipal.

O PSOE, "DISPOSTO A LIDERAR"

Unha vez máis os máis optimistas foron os socialistas, que deixaron claro que están "dispostos a liderar a alternativa de goberno estable". Así o manifestou a portavoz da formación, Noelia González, subliñando que "canto máis tarden os partidos en porse de acordo peor será a situación da cidade".

Neste sentido vaticinou que "se poderá chegar a un feito histórico na cidade dando unha substitución ao goberno actual" baixo o acordo "sine qua non" de gobernabilidade; o catorce puntos que propuñan os socialistas no chamado ?Pacto da Concordia?, e aos que se van a incorporar outras peticións, como o transporte metropolitano que solicita o PP.

"Estamos dispostos a liderar esta alternativa de goberno, pero todos temos que comprometernos a que no próximos tres anos arrimaremos ombreiros e apoiaremos a quen goberne", insistiu González trasladando que "agora se abre un período de reflexión nas distintas organizacións políticas para ratificar e comprometerse verdade coa cidade".

Nesta liña sinalou que, tras esa reflexión, "cristalizarase seguramente nesa moción de censura", pero insistindo en que "ten que ir baixo a premisa do acordo asinado polo tres formacións, que deben ser igual de importantes e igual de sinceros e valentes diante da cidadanía".

"Creo que pode haber distintos camiños, pero se realmente queremos cambiar o futuro de Ourense só hai unha dirección", insistiu a socialista, que non entrou a valorar se será ela a candidata do seu partido, porque "o grupo municipal socialista ten un gran banco para asumir esa responsabilidade". "Será a organización a que decida e sempre avalado pola militancia", afirmou.