Seijas (Federación Gallega de Comercio): "As rebaixas comezaron o día 1 de xaneiro e acaban o 31 de decembro"

Aínda que semella que o verán se fai de rogar e que non acaba de asentar, chega xullo e co inicio deste mes, as rebaixas de verán. Un momento idóneo de descontos para mercar xa o traxe de baño ou se cadra unha chaqueta para o próximo inverno. "Cando se trata de falar de rebaixas sempre comezo dicindo que as rebaixas comezaron o día de 1 de xaneiro e acaban o 31 de decembro porque nos últimos tempos todos os días hai descuentos e promocións", afirma José María Seijas, presidente da Federación Gallega de Comercio. Isto, expresa, é consecuencia de que en 2012 quedase liberada a data das rebaixas permitindo a cada quen fixalas cando queira. 

Na actualidade debido á climatoloxía que "tampouco se aliou cos comerciantes" as grandes firmas adiantaron este proceso de descontos para vender: "O certo é que temos as mercadorías todas nos estantes porque non saíron. A ningúen se lle ocorre mercar un bañador ou sandalias se fai frío. Porén é necesario sacar mercadorías e por iso cada vez adiántanse máis". Tamén destaca que desde hai de cinco a dez anos atrás, os descontos que figuraban como importantes estaban nun 20 ou 30%, mentres que agora xa os hai de 60% e incluso 70%. Desde a Federación Gallega de Comercio, reivindica que esta situación conleva a que sigan reclamando "que se regulen as datas das rebaixas" porque é máis beneficioso, tanto para comerciantes como para consumidores. "Depende do Goberno central, xa o tratamos, pero non se nos tivo en conta aínda", expón José María Seijas. 

Sinala que un cambio no consumidor que xa fai tempo non vai en masa polas rebaixas con esas colas que se xeraban. Así, as rebaixas duran tres ou catro días, e desta quenda, agardan que a xente comece a mercar un pouco, máis aló da climatoloxía que non acompaña. Estima que cada persoa gastará unha media de "200 euros ou 250 euros, sendo optimista". 

O COMERCIO PEQUENO INDEFENSO ANTE OS GRANDES

En que situación queda o comercio máis pequeno? "Estamos indefensos, xa que os grandes non se sabe onde pagan impostos e nos temos que pagar iso e todo o demáis". Coas rebaixas, as empresas de renome estudan perfectamente, en termos de marketing, como xerar necesidade e urxencia no consumidor. Así, hai unhas horas determinadas de inicio a nivel de app e web segundo á idade dese público. "O primeiro que hai que diferenciar é que na maioría destas firmas, as rebaixas son dirixidas, os descontos non son o que se anuncian, xa que os prezos subiron uns días antes e iso no pequeno comercio non se fai", afirma o presidente. 

Fronte a isto, desde a Federación Gallega de Comercio durante todo o ano se fan campañas e iniciativas para incentivar o consumo e que o comerciante poida vender. De igual forma, se premia á fidelización dos consumidores, a través de sorteos o premios: "Sempre sen que iso supoña un desembolso para o comerciante, que xa non pode asumir máis descontous ou rebaixas, xa que os impostos e intereses soben, así como os soldos". Manifesta que o comercio físico nunca desaparecerá porque nunha zona onde non hai comercio "non hai vida". Porén, os comerciantes tiveron que subir ao carro da venta online e da redes sociais para ter ese espazo. 

CANDO COMEZAN AS REBAIXAS NAS PRINCIPAIS MARCAS? 

Hai marcas que xa teñen descontos activos desde a semana pasada como o Corte Inglés, Sfera, Mango ou H&M. En Woman Secret ou Cortefiel xa teñen dispoñible ata un 70%; en Springfield un 60% máis o 10% por ser socio; ata un 50% en Bimba y Lola, JD Sports ou Rituals. 

As rebaixas do grupo Inditex (Zara, Zara Home, Bershka, Stradivarius, Pull&Bear,...) están fixadas para este día 26 a partir das 21,00h na app e na web e o día 27 xa dispoñibles en tendas físicas. Deste grupo, Massimo Dutti adiantouse un día e comezou o 25 online e moitas destas marcas presentan descontos de entre o 40 e 50% a modo de pre-save ata o inicio como tal das rebaixas. En Lefties tamén comezarán o 26 na web e na app e 27 en tenda.